တစ်ယောက်ယောက်ရဲ့ စကားတစ်ခွန်းကြောင့် ဆုံးဖြတ်ချက်တွေပြောင်းသွားဖူးတာမျိုးရှိလား။ 🌱

၂၀၂၆ ဇွန် ၂၉

“စိတ်အာဟာရ” အစီအစဉ် | Episode 7

၂၀၂၆ ဇွန် ၂၇

“စိတ်အာဟာရ” အစီအစဉ် | Episode 6

၂၀၂၆ ဇွန် ၁၇

Seit Ahara Episode 5

“စိတ်အာဟာရ” အစီအစဉ်သည် စိတ်ကျန်းမာရေး၊ စိတ်ဒဏ်ရာ (Trauma)၊ စိတ်ဖိစီးမှု၊ လူမှုဆက်ဆံရေးနဲ့ နေ့စဉ်ဘဝမှာ ကြုံတွေ့နေကြတဲ့ စိတ်ပိုင်းဆိုင်ရာအခက်အခဲတွေကို ပိုမို နားလည်နိုင်စေဖို့ ရည်ရွယ်ဖန်တီးထားတဲ့ Talk Show အစီအစဉ်တစ်ခု ဖြစ်ပါတယ်။ ယနေ့ခေတ်မှာ လူတော်တော်များများက ကိုယ်ခံစားနေရတဲ့ စိတ်ဖိစီးမှုတွေ၊ ဝမ်းနည်းမှုတွေ၊ ကြောက်ရွံ့မှုတွေကို ဖွင့်မပြောနိုင်ဘဲ တိတ်တဆိတ် ရင်ဆိုင်ခံစားနေကြရပါတယ်။ အထူးသဖြင့် မြန်မာနိုင်ငံလို စစ်ပဋိပက္ခတွေ၊ မတည်ငြိမ်မှုတွေနဲ့ အပြောင်းအလဲတွေကြားမှာ နေထိုင်နေရတဲ့ လူမှုအသိုင်းအဝိုင်းတွေအတွက် စိတ်ကျန်းမာရေးအကြောင်းကို နားလည်ဖို့နဲ့ ပြောဆိုနိုင်ဖို့က ပိုပြီး အရေးကြီးလာပါတယ်။ ဒါကြောင့် “စိတ်အာဟာရ” Talk Show ကို မိမိရဲ့စိတ်ခံစားချက်များကို ပိုနားလည်လာစေဖို့၊ Trauma နဲ့ PTSD လို စိတ်ဒဏ်ရာဆိုင်ရာအခြေအနေတွေကို သိရှိလာစေဖို့၊ စိတ်ကျန်းမာရေးအပေါ် ရှိနေတဲ့ အထင်မှားမှုတွေ လျော့နည်းစေဖို့၊ ကျန်းမာတဲ့ ရင်ဆိုင်ဖြေရှင်းနည်းများ (coping skills) ကို လေ့လာနိုင်စေဖို့၊ “စိတ်ကျန်းမာရေး” ကို လူတိုင်းအတွက် အရေးကြီးတဲ့အရာတစ်ခုအဖြစ် မြင်လာစေဖို့ ရည်ရွယ်ပြီး ဖန်တီးထားခြင်း ဖြစ်ပါတယ်။ ဒီအစီအစဉ်မှာ စိတ်ပညာဆိုင်ရာပညာပေးအကြောင်းအရာများ၊ လက်တွေ့ဘဝနဲ့ ဆက်စပ်တဲ့ ဥပမာများ၊ ကျွမ်းကျင်သူများနဲ့ ဆွေးနွေးမှုများ၊ လူငယ်များနဲ့ မိသားစုများအတွက် အသုံးဝင်မယ့် နည်းလမ်းများကို ရိုးရှင်းလွယ်ကူတဲ့ ဘာသာစကားနဲ့ မျှဝေပေးသွားမှာ ဖြစ်ပါတယ်။ စိတ်အာဟာရ Trauma Series ရဲ့ ပထမဆုံး Featured Speaker အနေနဲ့ နိုင်ငံတကာ စိတ်ကျန်းမာရေးနယ်ပယ်မှာ အတွေ့အကြုံများစွာရှိတဲ့ ပညာရှင် Dr. Maung Oakarr ကို ဖိတ်ခေါ်ထားပါတယ်။ ဆရာဟာ လက်ရှိမှာ ယူကေနိုင်ငံရဲ့ Consultant Psychiatrist တစ်ဦးဖြစ်သလို၊ မြန်မာနိုင်ငံ စိတ်ကျန်းမာရေးဘုတ်အဖွဲ့ရဲ့ ဒုတိယဥက္ကဋ္ဌ အဖြစ်လည်း တာဝန်ယူထားသူဖြစ်ပါတယ်။ ၁။ Trauma က လက်ရှိအထိဘာလို့လိုက်နေတာလဲဆရာ။ ပြီးခဲ့တဲ့ဖြစ်ရပ်တွေက ဘာလို့ရှင်သန်နေတယ်လို့ ခံစားရတာလဲ ဆရာ။ ၂။ Trigger ဖြစ်စေတဲ့အရာက အသံ တစ်မျိုးပဲရှိတာလားဆရာ။ တခြား အာရုံ ၅ ပါးကြောင့်ရော reliving ပြန်ဖြစ်နိုင်ပါသလား ဆရာ။ ၃။ Trigger ဖြစ်သွားတာကို ကိုယ့်ကိုယ်ကိုယ် ဘယ်လို သတိထားမိနိုင်ပါသလဲ ဆရာ။ ၄။ Trigger ဖြစ်လာတဲ့ အခါ Clam Down ဖြစ်အောင် အလွယ်ဆုံးလုပ်လို့ရတဲ့ နည်းလမ်းတချို့ကို မျှဝေပေးလို့ရနိုင်မလား ဆရာ။ ၅။ Trauma ရှိတဲ့သူတွေ အိပ်မက်ဆိုးတွေ မကြာခဏမက်တာ ဘာလို့လဲဆရာ။ ဒါကိုရော ဘယ်လို လုပ်လို့ ရနိုင်မလဲ ဆရာ။ ၆။ Safe Space Visualization အကြောင်းရှင်းပြပေးလို့ရမလားဆရာ။ ဒါကို အိမ်မှာပဲလေ့ကျင့်လို့ရပါသလား ဆရာ။ ၇။ Trauma ကြုံပြီးနောက်ကြုံတွေ့ရတဲ့ Self-blame က ဘယ်ကနေလာတာလဲ ဘာကြောင့်ဖြစ်တာလဲ ဆရာ။ 🟢🪴🧠🟡 #TraumaSeries #စိတ်အာဟာရ #DrMaungOakarr #MentalHealth